திருமாலிருஞ்சோலை நின்றன் எனும் வாணாதிராயரும் நானும் முடிக்காத என் சில கவிதைகளும்…

திருமாலிருஞ்சோலை நின்றன் எனும் வாணாதிராயரும் நானும் முடிக்காத என் சில கவிதைகளும்
————-
இன்று அகமுடையார் அரண் பாலமுருகன் அகமுடையார் அவர்கள் நூல் ஒன்றை கொடுக்கும் விசயமாகவும் அவருக்கு என்னிடம் உள்ள பல நூல்களை கொடுப்பதற்காகவும் இன்று வீட்டில் உள்ள நூல்களை தேடிப் பார்த்துக்கொண்டிருந்தேன். அப்போது என்னுடையை பழைய டைரிகளை பார்க்க நேர்ந்தது.

அதில் ஆங்காங்காங்கே கவிதை முயற்சிகளை கிறுக்கி வைத்திருந்தேன்.

சிறுவயதிலேயே நூல்களை தேடித்தேடி பழக்கம் கொண்டவன் நான் அவ்வகையில் எங்கள் குலதெய்வமான அழகர்மலை தீர்த்தக்கரை இராக்காயி அம்மனை கும்பிட அழகர்கோவிலுக்கு சென்ற போது அழகர்கோவில் தலவரலாறு நூலை 2000ம் வருடத்தில் படித்த போது ஒரு பெயரை என்னை மிகவும் கவர்ந்தது.
அந்தப் பெயர்
திருமாலிருஞ்சோலை நின்றன்.

இந்த பெயர் திருமாலிருஞ்சோலை என்ற பெருமாளை குறித்து நின்றாலும் அந்த பெயரையே அடையாளமாக கொண்ட அந்த வாண அரசரின் பெயரை என்னை மிகவும் கவரந்ததால் எனது இளம்வயதில் அந்த பெயரை எனது அடையாளப்பெயராக நான் பயன்படுத்திக்கொண்டேன்.

இது நடந்த 26 ஆண்டுகளுக்கு முன்பு எனக்கு இந்த வாண அரசர்கள் நமது அகமுடையார் சாதியை சேர்ந்தவர் என்பதை அறிந்திருக்கவில்லை. யாரும் அதை கூறவும் இல்லை. பனிரெண்டு அல்லது பதினைந்து வருடங்களுக்கு முன்பு நான் தான் இச்செய்தியை ஆதாரத்துடன் இணையத்தில் முதன் முதலில் வெளிப்படுத்தினேன்

சரி விசயத்திற்கு வருவோம்

2000ம் வருடத்தில் 19ம் நூற்றாண்டு முடிந்து 20 ம் நூற்றாண்டு பிறந்த வேளையில் நான் எழுதிய கவிதை முயற்சி ஒன்றில் திருமாலிருஞ்சோலை நின்றன் என்ற பெயரை பயன்படுத்தி எழுதியுள்ளதை எனது டைரியில் கண்டேன் (படத்தையும் பதிவில் இணைத்துள்ளேன் ஆனால் பலருக்கு அதில் படிப்பதில் சிரமம் இருக்கும் என்பதால் கீழே எழுத்தாகவும் கொடுத்துள்ளேன்)

புதுமைகள் படைத்து புகழ் கொண்டு.
பழமைகள் ஆயிரம் தனை வென்று
சரித்திரம் படைத்த சாதனை இருபது
பிரியாவிடை தனை பெற்றுப் பிரிந்திட
மலர்ந்தது இருபத்து ஒன்று
மகழ்ச்சியில் இமயததற்கு சென்று
தரும்பிடட மனம் இன்று இல்லை
தெரியுமோ மகிழ்ச்சியின எல்லை

– மு சக்தி
03.01.2000
(திருமாலிருஞ்சோலை நின்றன்)

இப்படி யார் என்று தெரியாமல் அவர் பெயரால் கவரப்பட்டு அந்த பெயரை நாம் உள்வாங்கிக்கொண்டேன் ஆனால் பிற்காலத்தில் அவரே நமது முன்னோர் என்று தெரிந்து கொள்ளும் போது எத்தனை எத்தனை மகிழ்ச்சி!

இதை போல சில கிறுக்கல்கள்

1999ம் வருடம் புது வருட நாளில் எழுதியது
—

விரிகின்ற வானத்தில்
வளர்கின்ற பிறை நிலவும்
ஓளிர்கின்ற காலத்தே
தேய்கின்றதே!
தென்தமிழே!
நீயோ
தினம்
ஒழியாது தேயாது வளர்கின்றாய் !
அணையாத கதிர்விளக்காய்
காண வேண்டும் காட்சி!

-அன்பன் மு.சக்தி
1/1/99

டிப்ளமோ படிக்கும் போது நடந்த சங்க தேர்வு போட்டிக்கு எழுதிய கவிதை ( காளை வளர்க்கும் ஆயர் பெண்ணை காதலிக்கும் தலைவனை , தலைவியின் தந்தை ஜல்லிக்கட்டுப்போட்டி என்ற பெயரில் கொல்வது போன்ற கற்பனை )

அன்று தான் பார்த்தான் அவளை!
அதற்க்குள் மறந்துவிட்டாம் உலகை!
இமைகள் பேசிய மொழியில் அவர்கள்
இதயம் ஊமையாய் போனது
நிஜங்களை மறந்த அவர்களும்(அவர்கள்)
நிழல்களை போல நின்றார்கள்!

…

இந்த கவிதையை முழுவதும் எழுதி முடித்தேன் அதிக பக்கம் வரும் என்று கருதி முழு படங்களையும் பகிரவில்லை.

முடிக்கப்படாத கவிதை ( 2004 வரும் கல்லூரியின் இறுதி நாளில் பிரியாவிடை கொடுக்கும் போது எழுதியது)

கூட்டுப்புழுவுக்குத்தான் கூடுகள் சொந்தமானது!
வண்ணத்துப் பூச்சிக்கோ வானம் முழுவதும்!
கூடிப் பிரிவதால் வருத்தம் என்கிறாய்!
பிரிவு என்பது தொலைவிலா மனத்திலா
தொலைவு மட்டும் எனில் மனதால் இணைகிறோம்!
மனதால் எனில்…
வண்ணங்கள் நிறைந்தது வாழ்க்கை
அதை உன் கண்ணீரால் கரைக்காதே!

இளம் கன்று பயம் அறியாது என்பது போல்
இளம் வயதில் நிறைய முயற்சித்துளேன். இலக்கணம் பிழை என்றெல்லாம் பார்க்கவில்லை.

அடுத்து பாலமுருகன் அகமுடையார் பகிர்ந்து கொண்ட நூல் பற்றிய பதிவு!

மேலதிக குறிப்புகள்
—

திருமாலிருஞ்சோலை நின்றான் மாவலி வாணாதிராயர் என்பவர், கி.பி. 15-ஆம் நூற்றாண்டில் விஜயநகரப் பேரரசின் காலத்தில் மதுரைப் பகுதியைத் தலைநகராகக் கொண்டு ஆட்சி செய்த வாண அரசர் ஆவார்.

கி.பி. 1428 முதல் 1477 வரை ஏறத்தாழ 49 ஆண்டுகள் இவர் மதுரை மற்றும் பாண்டிமண்டலப் பகுதிகளைத் தன் கட்டுப்பாட்டில் வைத்திருந்தார். தன்னை “மதுராபுரி மகாநாயகன்” என்றும் கல்வெட்டுகளில் அழைத்துக்கொண்டார்

இவருக்குத் திருமாலிருஞ்சோலை நின்றான் மாவலி வாணாதிராயன், உறங்காவில்லிதாசன், சமரகோலாகலன்(சண்டையை கொண்டாடுவன் ,போர் செய்வதில் மகிழ்பவன்) போன்ற சிறப்புப் பெயர்கள் இருந்தன

கி.பி. 1464)-இல் எழுந்த கல்வெட்டின்படி, இவரது ஆணையின் கீழ் அழகர் கோயிலில் உபானம் (அடித்தளம்) முதல் ஸ்தூபி வரை மிக முக்கியமான திருப்பணிகள் மேற்கொள்ளப்பட்டன

இப்பதிவு அகமுடையார் ஒற்றுமை பேஸ்புக் பக்கத்தில் இருந்து பெறப்பட்டது! (இதற்காய் அவர்களுக்கு நன்றி) .

அகமுடையார் ஒற்றுமை பக்கம் லிங்க்

அகமுடையார் ஒற்றுமை பக்கத்தில் குறிப்பிட்ட இப்பதிவுவின் லிங்க்