எட்டுத்திக்கும் பரவி வாழும் என் அகமுடைய உறவுகளுக்கு இனிய பகல் வணக்கம் 🙏
இந்த கட்டுரையை மாமன்னர் மருது பாண்டியர்களின் குருபூஜை பெருவிழாவினை தலைமையேற்று நடத்தும் சான்றோர்களுக்கும்,அதில் பங்கேற்கும் உணர்வுள்ள இரத்த சொந்தங்களுக்குமான பதிவாக எண்ணி சமர்ப்பிக்கிறேன்.
பதிவின் நோக்கம் யாதெனில்,குருபூஜைக்கு வந்தோம்,அமர்ந்தோம்,சென்றோம்,இத்தோடு 365 நாட்களுக்கு பின்னர் ஒன்றிணைவோம் என்ற நிலைப்பாட்டை உடைத்து ஆக்கப்பூர்வமான முறையில் குருபூஜை பெருவிழாவை நாம் கொண்டு செல்ல வேண்டும் என்பதை உணர்த்துவதே.
மற்ற சமூகங்களை போல வருடத்திற்கு இரண்டு,மூன்று மாநாடுகளை நடத்தும் சமூகம் நம் அகமுடையார் பேரினம் இல்லை.கடந்த பத்து ஆண்டுகளில் ஒரு அரசியல் மாநாடு கூட நடத்தாத பெருங்குடி சமூகம் எதுவென்றால்,அது நம் பழந்தமிழ் அகமுடையார் குடி மட்டுமே.
எனவே மாநாட்டு மேடைக்காக காத்திருக்காமல் நமக்கான தளத்தை நாமே உருவாக்கி கொள்ள வேண்டும்.அந்த அரசியல் மேடையாக குருபூஜை பெருவிழாவை நாம் எடுத்து கொள்வது தான் அறிவார்ந்த சமூகத்தின் ஆளுமை திறன்.குருபூஜை பெருவிழாவினை முன்னின்று நடத்தும் அத்துனை உறவுகளும்,தங்களின் தலையாய கடமையாக விழா முடிந்த பின்னர் எந்த தாக்கத்தை ஏற்படுத்தினோம் என்பதே.நல்ல தாக்கமாக இருந்தால் சமூகத்தில் ஒற்றுமை,சங்கங்களின் வளர்ச்சி,மாற்று சாதியினரும் வரவேற்பு தெரிவிப்பது… அதுவே தீய தாக்கமாக என்றால் சட்ட ஒழுங்கு சீர்கேடு,பொது மக்களுக்கு அச்சுறுத்தல் ஏற்படுத்துவது,காவல்துறை அனுமதி மறுப்பது.சமூகத்தை முன்னேற்றுவதா அல்லது முடக்குவதா என்பது அவரவர் செயல்களில் உள்ளது.
குருபூஜை பெருவிழாவின் மேடையில் கடந்த கால பெருமைகளை மட்டுமே பேசி தற்கால நிதர்சனத்தை பற்றி பேசாமல் இருப்பதில்லை எந்தவொரு பலனும் இல்லை.எனவே கீழ்காணும் ஐந்து மிக முக்கிய விடயங்களை அகமுடையார் பேரின மக்கள் மத்தியில் பேசி அவர்களின் கவனத்திற்கு கொண்டு செல்ல வேண்டும் என்பதே அடியேனின் கோரிக்கை 🙏🙏🙏
1) நரிக்குடியில் மாமன்னர் மருது பாண்டியர்கள் மணி மண்டபம் அமைக்க வேண்டும் : சுதந்திர போராட்ட வீரர் அழகுமுத்துக்கோன் அவர்களுக்கு அவர் அவதரித்த தூத்துக்குடி மாவட்டம் கட்டாலங்குளத்தில் மணி மண்டபம் உள்ளது,தென்காசி மாவட்டம் நெற்கட்டுஞ்செலவில் மாவீரர் பூலித்தேவன் மணிமண்டபம் உள்ளது,வீர மங்கை வேலுநாச்சியாருக்கு சிவகங்கையில் மணிமண்டபம் உள்ளது,மாவீரர் தீரன் சின்னமலைக்கு ஓடாநிலையில் மணிமண்டபம் உள்ளது,விருப்பாச்சி கோபால் நாயக்கருக்கு அவர் பிறந்த திண்டுக்கல் மாவட்டம் விருப்பாச்சியில் மணிமண்டபம் உள்ளது…
ஆனால் இந்திய சரித்திரத்தில் தவிர்க்க முடியாத தேசத் தலைவர்களான மாமன்னர் மருது பாண்டியர்களுக்கு அவர்கள் அவதரித்த விருதுநகர் மாவட்டம் நரிக்குடியில் மணிமண்டபம் கிடையாது…
அடுத்துவரும் இளைய தலைமுறையினருக்கு தேசபக்தியை வளர்க்கும் வண்ணம் பாரத நாட்டின் சுதந்திரத்திற்காக உயிர் தியாகம் செய்த மாமன்னர் மருது பாண்டியர்கள் மற்றும் 543 தியாகிகளின் நினைவாக முழு உருவ வெண்கலச் சிலையுடன் கூடிய மணிமண்டபம் அமைத்து தர வேண்டும்.
2) துளுவ வேளாளர் அரசாணையை உடனடியாக இரத்து செய்ய வேண்டும் :
கடந்த திமுக ஆட்சியில்,திமுக தலைவர் ஸ்டாலின் அவர்களின் உறவினரான சபரீசன் என்பவர் தன்னுடைய அடிவருடிகளின் பேச்சை கேட்டு துளுவ வேளாளர் எனும் அகமுடையார் பேரினத்தின் உட்பிரிவிற்கு பிரத்யேக எண்ணுடன் சாதி சான்றிதழ் வழங்க ஏதுவாக அரசாணை பிறப்பித்தார்.
விரைவில் நடைபெற உள்ள சாதிவாரி கணக்கெடுப்பின் போது அகமுடையார் பேரினத்தின் மக்கள் தொகையை குறைவாக பதியவும்,அதன் நீட்சியாக கல்வி மற்றும் வேலைவாய்ப்பில் அகமுடையார் பேரின மாணவர்கள் பின் தங்குவதற்கான வாய்ப்பு அதிகமாக உள்ள காரணத்தால்,தற்போதைய ஆட்சியாளர்கள் உடனடியாக துளுவ வேளாளர் அரசாணையை இரத்து செய்ய வேண்டும்,
3) அகமுடையார் பேரினத்திற்கான அரசியல் கட்சி :
பறையர் சாதிக்கு விடுதலை சிறுத்தைகள்,
வன்னியர் சாதிக்கு பாட்டாளி மக்கள் கட்சி,
கொங்கு வேளாளர் சாதிக்கு கொங்கு நாடு மக்கள் தேசியக் கட்சி,
முத்தரையர் சாதிக்கு தமிழர் தேசம் கட்சி,
நாடார் சாதிக்கு பனங்காட்டுப்படை கட்சி,
அருந்ததியர் சாதிக்கு வன வேங்கைகள் கட்சி என்று ஒவ்வொரு சாதிக்கும் குறைந்தபட்சம் ஒரேயொரு அங்கீகரிக்கப்பட்ட அரசியல் கட்சியாவது உள்ளது.
ஆனால் 25ற்கும் மேற்பட்ட மாவட்டங்களில் வசிக்கும் ஒரு இனம்,60 தொகுதிகளில் வெற்றி/தோல்வியை தீர்மானிக்கும் ஒரு இனம்,பத்திற்கும் மேற்பட்ட பட்டங்களை கொண்டுள்ள ஒரு இனம் நம் அகமுடையார் பேரினம். ஒரேயொரு அரசியல் கட்சி கூட நம் இனத்தில் இல்லை.
எனவே மேலும் தாமதிக்காமல் மாவட்டத்திற்கு சிறப்பாக செயல்படும் சங்கம் ஒன்றை கண்டறிந்து அனைத்தும் சங்கங்களையும் ஒருங்கிணைத்து அகமுடையார் பேரினத்திற்கான ஒற்றை தலைமை எனும் வெற்றிடத்தை நிரப்ப வேண்டும்,
4) அகமுடையார் பேரின செயற்பாட்டாளர்களை ஆதரிக்க வேண்டும் :
சென்னை மட்டும் வளர்வது வளர்ச்சி அல்ல,அனைத்து நகரங்களும் வளர்வதே உண்மையான வளர்ச்சி. அதுபோல ஒரு இனத்தில் உள்ள அனைத்து தரப்பினரும் முன்னேற்றம் அடைந்தால் தான் சாதி வளர்கிறது என்று சொல்ல முடியும்.அதற்கு கல்வி மற்றும் பொருளாதாரத்தில் நாம் வலிமை பெற வேண்டும்.
கல்விக்கு மருதிருவர் கல்வி மையம் மற்றும் பொருளாதாரத்திற்கு அகமுடையார் மேட்ரி.தொடக்கத்தில் திருமண வரன்களுக்காக சேவையாற்ற துவங்கிய அகமுடையார் மேட்ரி தளம் தற்போது வணிக ரீதியாகவும் சமூகத்திற்கு சேவையாற்றி வருகிறது.
இதுபோன்ற சமூகத்திற்கு முதுகெலும்பாக திகழும் தன்னார்வலர்களை அகமுடையார் சங்கங்களும்,பொது மக்களும் நன்றி மறவாது தொடர்ந்து ஆதரித்து அவர்களை ஊக்கப்படுத்த வேண்டும்.
5) படுகொலை செய்யப்பட்ட உறவுகளுக்கு நீதி கிடைக்க வேண்டும் :
சமூக ஆர்வலர் இளமனூர் மோகன்,தஞ்சை மஞ்சவயலை சேர்ந்த பிரதீப் மற்றும் சிவநேசன்,வெள்ளக்குட்டை இராமமூர்த்தி,திருமங்கலம் மணிகண்டன்,இராமநாதபுரம் இளைஞர் பிரகாஷ்,கலசபாக்கம் மாணவி நமிதா,சின்ன சேலம் மாணவி ஸ்ரீமதி,குன்னத்தூர் ஊராட்சி மன்ற தலைவர் கிருஷ்ண ராஜன்,சிவகங்கை கணேசன்,மருதுசேனை பொருளாளர் குமரவேல்,சமீபத்தில் பலியான வாலாந்தரவை பிரேம் குமார் என்று பலி எண்ணிக்கை மிக அதிகம்…
இன்னும் பெயர் குறிப்பிடாத பலர் சமீப காலங்களில் படுகொலை செய்யப்பட்டுள்ளனர்.காவல்துறை சம்மந்தப்பட்ட வழக்கை விரைந்து விசாரணை செய்து குற்றவாளிகளுக்கு உச்சபட்ச தண்டனை வழங்க வேண்டும்.
ஒவ்வொரு பிரச்சினை ஏற்படும் போதும் நாம் சாலை மறியல் செய்வது,முற்றுகை போராட்டம் நடத்துவது சாத்தியம் கிடையாது.நமக்கான கட்சி,நமக்கான தலைவர் என்று ஒருவர் இருந்தால் மட்டுமே சாத்தியம்.
கல்வி,பொருளாதாரம் மற்றும் அரசியல் மூன்றிலும் நம் அகமுடையார் பேரினம் வலிமையாக இருக்க வேண்டும் என்பதை மனதில் பதிந்து குருபூஜை பெருவிழாவின் ஏற்பாட்டாளர்கள் செயல்பட வேண்டும் என்பதை அகமுடையார் பேரின நலன் விரும்பிகள் சார்பில் பனிவன்புடன் வேண்டிக் கேட்டுக் கொள்கிறோம்.
#அகமுடையார்
#அகமுடையார்_பேரினம்
#மாமன்னர்_மருது_பாண்டியர்கள்
#மருதுபாண்டிய_மன்னர்கள்
#கொடை_வள்ளல்_பச்சையப்ப_முதலியார்
#போர்க்குடி_அகமுடையார்
#போர்க்குடி_அகம்படியர்
இப்பதிவு அகமுடையார் ஒற்றுமை பேஸ்புக் பக்கத்தில் இருந்து பெறப்பட்டது! (இதற்காய் அவர்களுக்கு நன்றி) .
அகமுடையார் ஒற்றுமை பக்கம் லிங்க்
அகமுடையார் ஒற்றுமை பக்கத்தில் குறிப்பிட்ட இப்பதிவுவின் லிங்க்
